Du hesch trotz em Suufe schlächti Luune

Ah dini Mannschaft het scheisse gschuttet

Richtig truurigi 90 Minute

När no Bächer gfrässe vo dr Gägekurve

Ds Graffiti fingsch richtig hässlech

Nüt schöns, ds cha niemer läse

Wiso muess geng aues versiechet wärde

Öpper söu mau ad Vermieter dänke

D Schwiz bruuch me Outobahne

Du bisch wider mau im Stou am warte

U fingsch Froue chöi nid Outo fahre

Und Aargouer und Albaner

Chatze wo dir i di Garte schiisse

Sött me doch dörfe legau erschiesse

Lüt si am spände für aui Viicher

Aber a di dänkt niemer

 

Ja ds isch tragisch doch es isch nid mis Problem

Au dini Sorge si vo mir so wit entfernt

I weiss du maschs nid gseh

Aber i cha dr säge, du bisch nid dr Ermscht

Du seisch z Wätter sig Katastrophe

Schlimmer aus di Obdachlose

U dr Bös isch scho wider z spät

Ä Maa sig me ersch nachem Militär

 

Du hesch mir ä DM gschribe

I söu mau mine Friise schnide

Ws söu ds mitem Tinfa*-Moshpit

Langsam si mir hie d Opfer

 

Dä Drucker het doch vori no Papier gha

I weiss o nid wiso dä ds nur bi dir macht

Isch mer es Rätsu, doch nid so es spannends

Dr Lehrling macht blau, ds si aus Simulante

 

Zersch mau es Kaffi hole

Wiso choufe die geng die fautsche Bohne?

40er Buess, i dr Blaue Zone

Richtig verschisse, dä Tag isch gloffe

 

Ja ds isch tragisch doch es isch nid mis Problem

Au dini Sorge si vo mir so wit entfernt

I weiss du maschs nid gseh

Aber i cha dr säge, du bisch nid dr Ermscht