Ke ermoza sos tu rosa
Ke atrayente es tu korola
Todo el mundo te sunriye
Dinguno no se arta
De admirar tu ermozura
Ma eyos no veran ke tus ojas komo kuna
Arrekojen adientro de si lagrimas de luvia
Ma eyos no lo veran porké no keren
Ver i saver ke tienes punchones
Tan dulce es tu golor mesklandose a la luvia
Todos se arrekojen a tu derredor
Ke ermoza es tu florzon
Komo un aventador de papiyones
Deskuvre rosa tus lavios maraviyozos
Ma eskonde tus flechas
