O tu
Illustrata de divina claritate,
Clara Virgo Maria,
Verbo dei infusa,
Unde venter tuus floruit
De introitu Spiritus dei,
Qui in te sufflavit,
Et in ten,
Te exsuxit,
Quod Eva abstulit
In abscisione puritatis
Per contractam contagionem
De suggestione diaboli.
Tu mirabiliter abscondisti in te
Immaculatam carnem
Per divinam rationem,
Cum Filius dei
In ventre tuo floruit,
Sancta divinitate eum educente
Contra carnis iura,
Que construxit Eva,
Integritati copulatum
In divinis visceribus.
