أمي ثم أمي

(أسمع) إنسانة ضحت بحياتها حتى نعيش أحلى عيشة ويامة صلتّ الليالي حتى نكون بأحسن حال ما فكرت بيوم إني رح أروح ورح أتركها لأنه ياللي متلها ما في منهن حتى بالخيال ولما غبت عنك أنا والله جسمي عني إنحال رح أرجع حتى أضمك، مهما ليل بعدي طال لما تضيق الدنيا فيني، ولما بيقسوا عليّ ناسي مين غيرك بيقويني، أنا بحطك على راسي وبيشرفني طول عمري أكون خادم تحت رجلك لأنه مهما عشّت، ما رح ألاقي متل قلبك ظلمتك بالبداية كتير وأنتِ تحملتيني قسيت عليكي بالكلام ولا بعمرك زعلتيني ولما كبرت أنا فهمت وبدعواتك أنا قدرت أعرف الصح من الغلط وكلامك عندي فرض بشوفك بنسى الرجولة، بركض وببكي بحضنك نعمة من رب الكون أنه خلقني إبنك من بعدك ما في غالي، أنتِ أغلى من حالي غيابك سود نور الشمس وزود عتمات الليالي قالولي الناس شو بتعنيلك كلمة الصبر قلتلن من بعد أمي حطوا نقطة عالسطر قالولي الناس شو بتعنيلك هي الدنيا كلها قلتلن هي أمي ما في حدا محلها أمي ثم أمي، ثم أمي ثم أمي رح ضلني عيد وأكرر حتى آخر يوم بعمري، إيه يا أول كلمة قلتها بحياتي كانت أمي جوات روحي كبرت هي الكلمة جوا دمي بعرف إني مستحيل أقدر أوصف بغنية تحكي عن طيبة قلبك أو توصف الحنية ياللي بشوفها جوا عيونك يا أجمل النساء يا عظيمة ياللي دعاكي أجمل الدعاء أنتِ لا تسكني بالأرض بل تسكني بروحي هاتي المرض عنك قبلان لو زودلي جروحي يا محلى جروحي لما تكون كرمالك يا أمي هاتي أوجاعك كلها حتى تجري جوا دمي هاتي همومك كلها حتى أشيلها فوق كتافي كرمالك يا حنونة عالجمر بمشي حافي لو بدك عيني خديها حتى تشوفي فيها هي الدنيا شو محليها غير وجودك فيها يا أمي أنتِ جنة، أنتِ السعادة والحياة مالي وطن غير حضنك أنا بقولها للممات بجمع كلماتي حتى أحكي اللي بذاتي ما في كلام بيوصف الإحساس اللي جواتي أنتِ فرحتي وجنتي سكنتي جوا دمي حتى الروح ياللي فيني، هي ملكك يا أمي