Balearen Bertsoak

Mila bederatziehun da lehenengo urtian Maiatzaren hamalaugarren egunian Orioko herriko barraren aurrian Balia agertu zan beatzik aldian Haundia bazan ere azkarra ibilian Bueltaka han zebilen juan da etorian Hondarra arrotuaz murgil igerian Zorriak zeuzkan eta haiek bota nahian Ikusi zutenian ala zebilela Beriala joan ziran traineruen bila Arpoi ta dinamitak eta soka bila Aguro ekartzeko ez zan gende hila Bost traineru joan ziren patroi banarekin Mutil bizkor bikain ta guztiz onarekin Manuel Olaizola eta Loidirekin Uranga Atxaga ta Manterolarekin Baliak egindako salto ta marruak Ziran izugarri ta ikaretzekuak Atzera egin gabe hango arriskuak Arpoiakin hil zuten han ziran hanguak Bost txalupa jiran da erdian balia Gizonek egin zuten bai naiko pelia Ikusi zutenian hila edo itoa Legorretikan bazan biba ta txalua Hamabi metro luze Gerria hamar lodi Buztan pala lau zabal Albuetan pala bi Ezpainetan bizarrak Beste ilera bi Orraziak bezela hain zeuzkan ederki Gorputzez zan mila ta berrehun arroa Beste berrehun mingain ta tripa barruak Gutxi janaz ez zegon batere galdua Tinako sei pesetan izan zan saldua Gertatu bat jarri det egiaren alde Hau horrela ez bada jendiari galde Bihotzez pozturikan atsegintsu gaude Gora oriotarrak esan beldur gabe