Momentnsammler

Manche sammeln Buidln, manche Souvenirs, Manche sammeln Ketterl fürs Gnack und für de Fiaß, I bin Momentsammler, I bin Momentnsammler. Manche sammeln Fraun, manche sammeln Hund, Manche sammeln Reisch, aber des is a ned gsund, I bin Momentnsammler, I bin Momentnsammler. Manche sammeln Geld, manche sammeln Ruhm, Manche sammeln Punkte fürd Versicherung, I bin Momentnsammler, I bin Momentnsammler. Manche sammeln Macht, manche sammeln Ämter, Manche sammeln für die andern und gebn ihr letztes Hemd her, Momentnsammler, I bin Momentnsammler. Manche sammeln Liader, manche Instrumente, Manche sammeln Kinder, manche Alimente, Momentsammler, I bin Momentnsammler. Manche sammeln Biacher, manche sammeln Weisheit, Manche sammeln Gurus oder irgend so an Scheiß hoit, Momentsammler, I bin Momentnsammler. Nix is so schee wia der Moment, Wo ois so is wias ghert und as Leben kriagst einfach gschenkt. Und des allerbeste is dabei: Wennsd den Moment gfundn host, Is er vorbei. Mit der Klampfn auf am Felsn hoch überm Meer, Der Wind waht ma a nagelneis Liadl her, I bin Momentnsammler, I bin Momentnsammler. Unter mir de Welln und über mir de Wolkn fliagn, Scheena wia jetz grad konn is gar ned kriagn, I bin Momentnsammler, I bin Momentnsammler. Der Nebel aufm Fluss in der Morgensonn, De Hand, de mir wer reicht, wenn i ned weiter konn, I bin Momentnsammler, I bin Momentnsammler. Nach Wochn ohne Kraft plötzlich wieder a Ziel, "Comes a time" singt da oide Neil, I bin Momentnsammler, I bin Momentnsammler. A Festl und an Garten voller Freind und Kinder, Paar Gitarn, ums Feier sitzen und a Nacht lang singa, Momentnsammler, I bin Momentnsammler. An da oiden Muatter Oach hocka auf a Bank, Und mit dem ratschen, der ois gmacht hod und an scheena Dank, I bin Momentnsammler, I bin Momentnsammler. Nix is so schee wia der Moment, Wo ois so is wias ghert und as Leben kriagst einfach gschenkt. Und des allerbeste is dabei: Wennsd den Moment gfundn host, Is er vorbei. Nix is so schee wia der Moment, (Nix is so schee wia der Moment), Wo ois so is wias ghert und as Leben kriagst einfach gschenkt. Und des allerbeste is dabei: Wennsd den Moment gfundn host, Is er vorbei.