Tameddit b bwass

Akka i d ddunit teḥsiḍ Mi tɣabeḍ, tefniḍ Ad k-rebbin medden tissas Wamag asmi akken telliḍ Mi traεɛdeḍ ur tekniḍ Qqaren-as: itett di lḥerma-s Fell-i asmi ara d-yeɣli yiḍ A mm-timmi ad twaliḍ Ɣef yiεdawen-iw, ad yali was Qqnent wallen-iw seg lemraṛ Ugint ad k-xeẓrent maḍi Melmi akka i sent-tgiḍ leqraṛ Akken ad k-n-rrent tamuɣli? Tneǧreḍ targa i uxeṣṣar Tseggex lǧetta, tɣelli Ah! limer nettemcawaṛ Tili ur nḥedder i tigi Am lexyal beddeɣ i ṣṣerṣar Deg wul ttrebbiɣ iẓmi Limer d i k-terbiḥ meqqar Ad as-d-afeɣ ssebba i yixef-iw Teḍṛa yid-k am yir asɣaṛ Yurǧa lkanun d inebgi Ma zziɣ ɣur-k wwiɣ lεaṛ Xas ad yeḍs wedrum fell-i Segmi d-nelḥa ur k-ḍlimeɣ Rriɣ-n ccada i yiri-k Ddaw yifer-ik zgiɣ zedleɣ Ssusumeɣ qebleɣ lebɣi-k Ass-a dayen ndekwaleɣ Ma d kečč teǧǧa-k tezmart-ik Ɣas tɣaḍeḍ-iyi, ad zewǧeɣ Ur ttɣimaɣ s idis-ik Nwiɣ tceṛḍ-ik tyita Ass-a zdat-k d asawen Ziɣ deg-k ur d-yugra wara Ǧǧan-k ula d imeṭṭawen Tessembabbayeḍ deg isufa Ɛeǧben-k, tzehhuḍ yis-sen Xas akken lǧetta-k tewwa Mazal tesmendageḍ-ten Ttxil-m rǧu ur reggel ara D kemm i d tafat-iw La d iyi-d-yettban uẓekka Yewweḍ-d ssfeṛ-iw Ul-iw yeqbeṛ, iceqqeq Tekna tgecrirt-iw Wa iεudden zzman ad aɣ-yefṛeq Ahya taḥnint-iw? Mačči dayen ara d-ḥebseɣ La zerrben wussan Lǧetta-w ur s-zmireɣ Laεyub deg-s ɣman Ma ǧǧan-iyi widak ḥemmleɣ Ur sseḍlameɣ zzman Lmutt mi d-tenna: "ad ak-ɣafreɣ" D nekk i tt-yebɣan Ḍḥiɣ-d ur sεiɣ azal Gar widak ḥemmleɣ Ɛebbaɣ azaglu n temsal Ur d as-zmireɣ Ula d zzwaǧ n leḥlal Deg ul-is udreɣ Gliɣ yis-s deg umureǧ n ccwal Armi tt-smesxeɣ Yid-m ẓriɣ kulci yekfa Ur d-yugra usirem Tawwurt n temẓi-w tefla Aḍu ad as-d-ikeččem Ya ṣellaḥ n At Dwala Nedheɣ-n yis-wen Ilit yid-i ddaw lqaεa Mi ara d-yas wass-nni