Quanno 'e ricorde tornano ogni sera
Io m'arricordo 'e chi nun è cchiù 'a mia,
'e chi pazziava cu stu core mio
Sapenno ca 'o puteva fa' muri'.
E nun me scordo, no, ca so' stat'io
A ghi luntono pe' me scurdà 'e te,
ma torna sempe chesta malatia:
pur'int' 'e suonne tu pazzie cu mme!
Ma pecchè
Quanno me viene 'nzuonno
Nun m'astrigne 'na mano.
Dimmella 'na buscia
cu 'na parola 'e bene,
tanto 'sta vita mia
è fantasia...
Haggio scritto 'na lettera stasera,
vurria sape' pecchè te si' cagnata,
si tu me pienze o si stai 'mbraccio a n'ato,
si me vuo' bene o te ne ride 'e me...
Dinto a 'sta lettera ce sta 'na rosa,
c'è l'haggio misa pe' te fa' capi'
ca male e bene mo songhe una cosa:
ca cchiù te penzo e cchiù me faje murì!
Ma pecchè
Quanno me viene 'nzuonno
Nun m'astrigne 'na mano.
Dimmella 'na buscia
cu 'na parola 'e bene,
tanto 'sta vita mia
è fantasia...
