Яран Сувар

Къацу хьанва кьуд пад

Йис цlийи хьанва мад

Яран рушан гьал я шад

Дагъдавай жив цlраз

Хвалара яд аваз

Гьазур хьухь са затl ацаз

Алукьнава иер Гатфар

Атанва чlехи сувар

Агата куьн ярар дустар

Ша лугьун рикlин гафар

Хкаж хьуй цlайад ялавар

Ахъа хьурай куь бахтар

Алатрай чалай залан пар

Мубарак Яран Сувар

Михьи хьанва гьава

Цифер амач цава

Селема сукlрадава

Хунчаяр гваз рушар

Кусад ийиз гьунар

Мел мехъер я чи сувар

Мукьвабур яргъарай

Хтурай акурай

Пагьливан симиналлай

Суфраяр ачух я

Тlуьнар бул буллух я

Им чаз Яран сувар я