Erey

ዑፈይ ስመርለይ ፡ ክባሃል'ዩ ጽባሕ

ደወል ብስራትኪ ፡ ግድን'ዩ ክጋዋሕ

ኤረየ.......

ለምዕን ጠልን ዝመልኦ ትርኢትኪ

ፍትሕን ሓቅን መለለይ ናትኪ

ኮንክን ተሰሚኽን ብሕብረ-ቃና

ክትሰግሪ'ኺ ናብ ዎሎዶታትና

ኤረና.....

ከም'ቲ ዝኹላዕ ብሓዊ ተፈቲኑ

ዓድና ከምኡ'ኺ ዓድና ወርቂ 'ኺ, ዓደና

ዉህቡ እዩ ፡ ዘለኽዮ መድረኽ

ፍልቀት'ዩ ፡ ደፋእታዊ ክስተት

ግድን ክሕለፍ'ዩ እዚ ኪደት።

ጉዕዞኺ 'ተበዝሖ ፡ ክብን ለጠቕን

ፍኖትኪ 'ተኾነ ፡ ኩርዃሕን ደግዳግን

ትእምርቲ 'ንዳኣሉ ፡ንሕጂን ጽባሕን

ሓዚሉልኪ ይመጽእ፡ ዕድልን ሽሻይን።

ብሕጂ ትኾንዮ እቲ ርጉጽ ትንቢት

ጽልግልግ ምስተሰግረ 'ቲ ብርሃንኪ ቅድድ ምስ በለ

ኮነ ሽዑ ኮነ ማሕረ

ኣሰይ ኣሰይ ደቂ ኤረ

ሸማሕዩ ዓደይ ሽማሕ......ሽማሕዩ ሸማሕ

ሸማሕዩ ኤረይ ሸማሕ........ሸማሕዩ ሸማሕ ጽባሕ

እምባኺ ሜዳኺ ብገልገለ መስቀለ

ማዕጺድ ዝሰብር ቀውዒ ምስኮነ

ቀስተደበና ክዝርጋሕ ኣብ ሰማይኪ

ተራእየኒ ዉቁብ መሰለትኪ።

ሆ ንብል ኣሎና ሆ ንዕቤትኪ

ሆ ንብል ኣሎና ፡ሆ ንሰንደቕኪ

ሆ ንብል ኣሎና፡ ሆ ንጉዕዞኺ

ሆ ንብል ኣሎና ፡ ሆ ንዓወትኪ።

ክሓልፍ'ዩ ኩሉ ፡ ክርህዉ'ዩ ጽባሕ

ደወል ብስራትኪ ፡ ግድን'ዩ ክጋዋሕ

ጉዕዞኺ 'ተበዝሖ ፡ ክብን ለጠቕን

ሓዚሉልኪ ይመጽእ፡ ዕድልን ሽሻይን።