I lieg am Ruckn

I lieg am Ruckn und stier mit zuagmachte Augen in die Finsternis

Es is so eng und so feucht um mi herum, i denk an dich

I kann's no gar net kapieren: Du liegst heut Nacht net neben mir und i frier

Wie lacht der Wind, wie waant der Regen

I mechat's so gerne hören

Du kannst da's net vuastöön, des beinharte Schweigen

Da vier Meter unter der Erden

Die Schuach auf Hochglanz poliert

An Scheitel ham's ma frisiert, i frag mi wofür?

Aber vielleicht stehst grad da oben mit a paar Tränen

Und vielleicht sickert ane, a klane zu mir durch?

A ganz a haße, bitte, bitte lass ane fallen

Weil mir is so kalt, mir is so kalt

Und wann's da derzählen, dass a Toter um Mitternacht aus'm Grab ausse kummt, ja des war schee

Is aber a Schmä, es gibt ka Geisterstund, i schwör da's

I hab's probiert, kan Millimeter hab i mi grührt, i wüü zu dir

Was is'n des

Des komische Krabbeln bei de Zechen da vurn?

Jessas Maria, der erste Wurm

Du liegst da und kannst di net rühren

Die Würmer kräulen da ins Hirn und sie dinieren

Aber vielleicht stehst grad da oben mit a paar Tränen

Und vielleicht sickert ane, a klane zu mir durch?

A ganz a salzige bitte lass ane fallen auf mei Grab

Vielleicht kenn' ma d'Würmer damit verjagen

I lieg am Ruckn und stier mit zuagmachte Augen in die Finsternis

Es is so eng und so feucht um mi herum, i denk an dich

A Hoffnung is no in mir, vielleicht tan s' mi exhumieren?

Dann geh in d'Bliah und kumm zu dir

Und hol di zu mir, damit i net gfrier