الساعة ستة صباحاً
بردان ومتقل الهدوم
وف قصر النيل بمشي نفسي
وبفضي القلب م الهموم
والمشي عملت منه عادة
وعملت لقلبي نسختين
بتعرف وحدي ع السعادة
ومكمل مش عارف
على فين؟
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقوللي على طول
هتلاقي الخطوة بإبتسامة
بس اللي أنا شوفته كان كتير
عديت ما جرالي بالسلامة
والماضي ده سر نام ف بير
والصبر عملت منه قارب
يتكسر أقلبه جناحين
والقلب معلق الكهارب
والزفة هتصحي النايمين
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقوللي على طول
شارع بيطلع على شارع
أيام بتودي لأيام
وماشفتش وصفه للتايه
أحسن م المشي لقدام
فين، أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقوللي على طول
علي فين؟
أنا رايح على فين؟
قلبي إتعبى حنين
والفاعل مجهول
وده مين؟
رص الڤتارين
بوشوش مبتسمين
بتقوللي على طول
