Tigrea

Leiho bat piztuta,

argi bakar bat gau ilunean.

Itzal bat barruan,

hara-hona leiho atzean.

Tigre zahar bat da,

lauoinka, motel, egonezean.

Andre batekin dago,

eskutik jaten ematen ari zaio.

Aspaldi bizi du ezkutatua zauri batean.

Maite duen arren, hil egingo du gaur gauean.

Alboan luze etzaten zaio,

tigrearen larrua

sentitzen du azalean.

Animalia hats sakona,

bihotz astun nekatua,

indar gabea.

Lepoa inguratzen dio,

estutzen du bularrean

eta urritzen, ahitzen zaio

desagertzeraino beso artean.