Wannan Kasa

Azzalimi ba zai zam adali ba

Makaryaci ba zai girman kwarai ba

Marowaci ba zai kyautar yabo ba

Mai kwadayi ba zai taba zuciya ba

Mai gaskiya ba zai cutar da mu ba

Munafuki ba zai zam akili ba

Mazambaci ba zai zam amini ba

Dan Ahmadu ba zai bar tsokaci ba

Maketaci ba zai iya tausayi ba

Mugu ba zai ji dadin taimako ba

Duk mai jiran yabo bai aikata ba

Rashawa gare ka ko ba a ce da kai ba

Mai illimi da jahillai ba sai kama ba

Aikin kwarai ba zai tabar da kai ba

Banbarakwai adon da ba ayyi kyau ba

Talakan da ke da izza ba yabo ba

Kyale tsugul idan ba a sa da kai ba

Dukkan kashin da ba kai ba rabo ba

Farfesan Waka ba gwani ba

Koyo ba shi kaskantar da ni ba

Dirka da ginshiki ba kishiya ba

Boto ba zai ji haushin ko guda ba

Wasa farin girki ne al'umma zancen ma ba a fara ba wannan kasa

Wane ne ba shi ne ba wannan kasa ban san wa zan dauka ba

In wannan Nigeria ce wannan kasa mamaki bai kare ba wannan kasa

Gautan duka ba ja ne ba al'umma ba zan ce masa kore ba

Kowanne ma ja ne ai don son rai shi anka bi ba Allah ba

Ba tallakka ba ba malam ba wayyo ba attajirin siyasa ba

Ba mazanmu ba ba matan ba kai kai kai ba yaro ba wala babba wannan kasa

Kasuwanci da gurin bauta wassu suke ba su damu a yo sallah ba

Mabiyansu suna tata amma su ba su san da suna wahala ba

In dai maganar Naira ce duk matsalar da ta zo ba sa sauya ba

Maasallaci jarisu mazanbata ba su je sun yi sana'a ba wannan kasa

Sai ka ga coci ana sa'insa da su fasto faada na karyar wahayi

Mabiyansu kamar sa zautu sun dage sun bar su suna ta bulayi

Da yawansu barayi ne ma da mamura suka addini tamkar yayi

Sun boye ba su boye ba yan damfara ba ku girmama addini ba wanan kasa

Yau ni maganata zan yi Farfesa mai tsoro maza bar guna

Zan kwance zare da abawa gyara zama na gajji da yankan kauna

Duka wa-ka-ci ka-tashin nan shashancin da muke yi zan tattona

Hauma-hauma harrigido rubibi rudu shi mun ka fi nunawa wannan kasa

Ka ga sarki ya kai sarki ga rawani wai gwamna yake jin tsoro

Ga mulki ga ikon nan gargajiyarmu bature ya kai kwaro

Su kakkafa duk tsarinsu mu tsarinmu ya koma sai sauraro

Sarki mai darajar karshe su ka maishe shi kamar wani dambun barje wannan kasa

Yan siyasa wasu sakarkar wadanda ba sa cin zabe ko kyauta

In sun gaza samin zabe sai su fake da kabilanci don cuta

Ko su sarfaci addinin su sa ana ta zubar da jinin bayi mas bauta

Su ke saro tarzo ma har su kasa domin samin ribarta wannan kasa.

A kasar nan ka ga matashi ya zaga neman mace mai 'yar kumba

Kumabar susa itta mana kwadayaye wai shi ba zai wahala ba

Akwadaye ba zai gane ba sangarta Dangoma ba zai yafe ba

Ka ga wassu suna halin lau suna bara ba su damu su yo aiki ba wannan kasa.

Kun san tafiyar shanshani kwai zarya ban fadi ba ban kasa ba

Ka ga tsoho tinkis-tinkis yai fyade karamar 'ya bai duba ba

Ko kumma a yanke sassan wasu yaran ba kaa ki ka ce tsafi ba

In dai duka Nigeria lallai ko mamaki bai karewa wannan kasa

Mai mulki ya yi gazawa ya kasa ba ce massa ya kauce ba

Bai san ya zai mulkin ba ya rude ba a ce sauka ka bar gun ba

Jama'a na neman ceto sun zauna ba su san ma me za sui ba

Talakawa gugan yasa 'yar kuka a makaifa kuke tun ran nan wannan kasa

To wai wa ma zan zaba ga mata na kasshe mazajen kulle

Kishi ne ko kuma hauka ko sakaki na mazajen ya ka kalle

Rikicinmu a da na saki ne da yai yawa yanzu ko kisa dan makale

In so daga soyayya ne ya rikide sunansa ba zan furta ba wannan kasa

Ku biyo ku ji lissafi gun Farfesa lalata ba ta kare ba

Layi sam'bal ran zabe mun jeri ko an gaji ba a koma ba

An sha rana an koku an dage sai wane ba ai fashi ba

Wannan ce ranar zabe ran 'yanci sannan kuma ranar bauta wannan kasa

Ya tai karaga ya zauna ya harde mu ne farko kangewa

Mota tintak tai dund'um ta yi duhu ya bar mu cikin tabewa

In zai keto yankinsa tsakar dare duka kun gaji kun kwantawa

Layin da akai ran zabe shi zai ai a gidansa ana dakon sa wannan kasa

An tadiye lantarkinka ba haske an kawo inji ka saya

Ita harbitsilar 'yan gwangwan ta fi haka kai dai ka natse ko ya ya

Za ka gane batun yaron nan Farfesa in kwai hikima a koya

Lantarkin bai zauna ba rana Fela ya taba yin zancen wannan kasa

Da na kalli refineries du na kasar na san magana ce kwance

Ya mu da muke ta hako mai danye cakal sai a kai waje a tattace

Gaarinka da za ka yi kulli sai ka kai wa makota sun ma bakace

An shirya batun girkin nan ko ko dai an fi gano a auno dusa ina kasa

An cefanar da lardin nan an kare la'ada ce ba ta kare ba

Wani likkita bai aikinshi yai private can zai tafi bai zo nan ba

Bai sauke farillar kai ba ya mance hakki nai bai sauke ba

Karshen magana shi kenan an kare ba a gyara takin farce ba wannan kasa

Wasu sun dauki kiran a rabe wannan kasa wai zama haka bai dace ba

Wasu baki suke furtawa wasu aikin da suke bai boye ba

In ana fadan kabilanci a kasuwa to maye haka ba gilli ba

Da wuya haka ke burge mu amma su kullun shi ne burinsu raba kasa

Ban tashi da mamaki ba wata kasa da tsaro bai zam tilas ba

Ko kana mota babu tsaro ko jirgi a gida ba ka san tabbas ba

Ba a ganganci da tsaro don rayuka ba su dace da siyasa ba

Ka ga fillo yana kiyonshi ya daina garkuwa ta fi masa kenan wannan kasa

A cikinta idan kai cuta kai funfuris duka kotu ta zam yaronka

Ko ka ci amanar jama'a sama da fadi ka cika lalitarka

In ka iya kale lulaye ka mika wa zai ji da labarinka

In gobe ta zo an manta sai ka fito baka-baka kau toro wannan kasa

Kai har wata karya na sani mai haushi don dakile aikin zamba

Yanzu za mu ji zance ga shi an ta'annati a zatonka ba yafe ba

Yau gobe walewallewa shi kenan sai in ba kowane ba

Amma tamkar ran tashe kai malam wasan ga ba zai kare ba wannan kasa

Wani yanki da ta'addaci su kai fice da su sha su ci har sui riga

Danyan mai na kasa ne du amma suf fasa bututu sui burga

Ba mai iya ce mussu a hir sai sulhu gyaran ya zama nag ganga

An gyara ba a gyara an yaga kidnapping su ne manya wannan kasa

In ka kalli batun wani kai tsam na rasshawa sai ka gane ashe comedy ne

In dai shari'a na kwazo su ka gane sai sui yi kifawar zaune

Sai su fadi suna shure-shure ba lafiya da yawansu iya shege ne

In wannan Nigeria ni na san ba mu gaji abin kunya ba wannan kasa

Kayan gwamnati namu ne in ka fasa ka sani mu kai wa cuta

Ba kishi mai za kai ne wa kasarka domin ka ga a inganta

In ka barnata lantarkinka ko titi ko ruwa wa zai alkinta

Wai gwamnati to kai ne ai duk dan kasa zai karrama al'ummarsa kishin kasa

Da za a ji tsoron Allah a sa kishi da dukka ba ai wayyo ba

Da za a rage ninanci da da rasshawa cin hanci a cire zamba

Da za a rike son juna ba ganda kwanmu ba zai tabe ba

Domin a yawa akwai mafita don tarin jama'ar nan alkhairi ne wannan kasa

Wane ne ba shi ne ba wannan kasa ban san wa zan dauka ba

In wannan Nigeria ce wannan kasa mamaki bai kare ba wannan kasa

In wannan Nigeria ce wannan kasa mamaki bai kare ba wannan kasa

In wannan Nigeria ce wannan kasa mamaki bai kare ba wannan kasa

In wannan Nigeria ce wannan kasa mamaki bai kare ba wannan kasa

Wane ne ba shi ne ba wannan kasa ban san wa zan dauka ba

In wannan Nigeria ce wannan kasa mamaki bai kare ba wannan kasa