Nogsteeds So Lief (Die Krake Op Sy Hande)

Elke oggend

'n Klein bietjie na vyf

Stap hul die paadjie

Arms om die lyf

Vyftig jare lank

Sonder om 'n woord te sê

Word daar vir ons gewys

Hoe ons lief moet hê

En al die krake in sy hande

Kan die langste stories praat

En dit vertel verhale van sy mooiste lewensmaat

Al soveel jare maar hy bly staan

Want hy's nog steeds so lief vir haar

In die aande

Dra sy koffie aan

'n Soen 'n dankie

En ek's lief vir jou my man

Elke lag plooi wys

Vreugde deur die goed en sleg

Ken jy ware liefde sê my

Of gooi ons dit net weg

En al die krakies om haar oë

Kan die langste stories praat

En dit vertel verhale van haar mooiste lewensmaat

Al soveel jare maar sy bly staan

Want hy's nog steeds die een vir haar

En al die krakies deur die jare

Maak al lankal nie meer saak

En dis net ware liefde wat twee harte een kan maak

Vir ewig daar vir altyd ja

Tot die einde van hul dae

Elke oggend

'n Klein bietjie na vyf

Stap hy die paadjie

Met 'n foto van sy bruid

Hy smile vir haar

Al is sy nie meer daar

Want hy's nog steeds so lief vir haar