واحكيلك عنك

حلمت يوم اني ابقي جمبك.. وصحيت مش شايفك

عارفت كتير عشان اوصلك.. كان صعب أقابلك

وانا لو علي قلبي حن كتير تحني وابقي شايفك

سيبتي جرح مابيتداوش بسمكن صعب اني ابقي ناسيك

ـــــــــــــــــــــ

الذكري لسه بتحاوطني.. مش قادر أبعد

الشرخ فـ قلبي رافض يهدي.. بقيت متشتت

ولسه برضو بنطق اسمك.. بقيت متلغبط

نفسي ترجع ليا روحي وانتي ماشية روحي فارقت

ــــــــــــــــــــــــــ

لساني تايه.. شوفيلي فـ بعدك عني حل

لساني رافض انك روحتي وقلبي مني مل

لساني بكدب لأجل عقل يصدق ترجعيلي

لسه كل مكان بروحه الأقي واقفة بتندهيلي

ــــــــــــــــــــــــــ

عيشنا الوهم وابتديت أصدق إنك.. مش مجرد طيف ساكن خيالي بس عشان أمتلكك

شوفتك زي ماكنت عايز أشوفك وابتديت أسردلك

حتي وانتي صورة جوه دماغي برضو مني زهقت

ـــــــــــــــــــــــــــــ

كوراس:

لسه الكلام مش قادر يمحي شئ بتحسه

ولسه بتحاول تصدق يمكن تكسب فـ شئ خسرته

وتفضل تنده

محدش يسمع كله ملهي فـ خيبته

كلٌ يحكي عن ليلاه محدش حس ليلك عيشته

ـــــــــــــــــــــــــــــــــــ

فيه صوت فـ عقلي بيوسوسلي

ارجوك إلحقني

ببص لنفسي ومش عارفني

ومين يعرفني

هل كنت انا السئ فـ القصة

او كنت المنسي

ازاي قادر تنصحهم وانتا لسه فـ اوضتك مرمي

ــــــــــــــــ

عقارب ساعه بتاكل عُمرك كل ثانية

كل الناس دي ليه بتتغير لسه عايز عيش تانيه

لسه المركب مابتقفش ولسه معمي جوه الساقية

لسه ماقتنعتش انك تايه وان الدنيا خاينه

ـــــــــــــــــــ

انتا المجنون بس هي برضو ماكاتش ليلي

أكلوك الوهم وكنت مرضي فوق انتا المغفل

قالتلك باقية.. صدقت وقولت دايمة

كنت ماسك آخر فرصة فـ قشة ليه علقت نفسك

ـــــــــــــــــــــــــــــــــــــــــ

بحكيلك عنك.. واحكيلك عـ اللي صابني

واحكيلك اني كتير حاولت انساكي الشوق غلبني

وكل مرة أقول نسيت ألاقي طيفك بيفكرني

بعدك عني ما بيلبقلك... بعدي عنك شئ هلكني