ماريونيت ٢

و اهي فترة وعدت مش هرجعلك مهما تطول

انا وانتي شوقنا ميت كنا عارفين ده من الأول

بس ليه صممننا نئذي قلوبنا قولنا ليه هنكمل

والغريبة انا ميت فيكي وموتي فيكي عمره ما هون

عمرك ماشوفتي يوم حقيقة بعدك زيي.. اول يوم ف البعد منهي وانتي ف حضنه بتحكي عني

كنتي قولتي ان انتي حابه تكسريني وعادي أساعدك

وانتي بتوصفيني ب اني سايب كنت لسه حابك

كنت لسه باقي

علي شئ كان بيننا وادي

انسي انك يوم تنسيني بس انا بكره هنسي عادي

انسي ان السكة يوم تجمعنا انسي اني اشوفك تاني

وده وعد مني عشان كان كل حوا اقابلها أماني

وادي اللي صار عشان ماكنتيش مكتوبالي

ياماريونيت خيوطها دابت سايبة قلبي يعاني

سنتين بصبر نفسي بمستحيل تكون رجعالي

قولتلي يوم هنساكي وكل ما أفكر أرجع تاني

ـــــــــــــــــــــــــــــــــــــــــــــــــ

محلمتش بيكي عشان ترحلي.. خليكي باقية

كان كل شئ هيبقي كويس لو صبرتي ثانية

مش ضعف مني أآمنك واستضعفتي فيا

شوفتي بعدك فعلا شوفتك جوه حضن كل واحد تانية

محلمتش بيكي عشان ترحلي.. خليكي باقية

كان كل شئ هيبقي كويس لو صبرتي ثانية

مش ضعف مني أآمنك واستضعفتي فيا

شوفتي بعدك فعلا شوفتك جوه حضن كل واحد تانية

ـــــــــــــــــــــــــــــــــــــــــــــــــ

سنين بتمشي عـ الإزاز فـ مشيت ع الريش صرخت

راهنت انك هتبقي وغير خذلان مانابني بخت

ياسنين قالولي هتنسيني قالوا مجرد وقت

فاكريني هحب غيرك عادي وغيرك يوم ما قبلت

انا مش قابل فكرة ان غيري فجأة أصبح مكاني

عادي يعني تحبي غيري وتنسي طب ما انا ليه مش عادي

ياللي انتي كنتي دنيا أصبحتي وهم فـ عقلي ساكن

دلوقت عرفت مين كان باقي ومين م الأول ماشي

طب وماله

انا شوفت ف عينك مشتقاله

خليكي جمبه واوعي فـ يوم تخلي حالي حاله

حاولت انساكي عقلي اتمسك أكتر كنتي ادمانه

يالعبة سهلة قلبك كان جماد سهل انتحاره

وانا بكره أفوق من وهمك بكره تكوني ذكري

وانالسه بكدب برضو بكدب أقول هنساكي بكره

ولا بنسي ولا من عقلي فايدة وسُكري زاد واتوهلك

انا توهت لأجل أنساكي أفتكرك توهتيني شكرا

ـــــــــــــــــــــــــــــــــــــــــــــــــ

ماسيبتش ذكري شئ يتساب ف سيبت ف عقلك بصمة

تفتكريني بيها فـ الغياب عشان تكوني نادمة..

عشان تكوني فاهمة.. غيابك عني أزمة

عارفة ب انك كنتي ماشية ورغم ده قولتيلي دايمة

محلمتش بيكي عشان ترحلي.. خليكي باقية

كان كل شئ هيبقي كويس لو صبرتي ثانية

مش ضعف مني أآمنك واستضعفتي فيا

شوفتي بعدك فعلا شوفتك جوه حضن كل واحد تانية