Lieber öpper angers

Di chauti Luft im Schatteloch

Dunkli Tääler füre mi zu dir

Me seit du chöntisch id Zuekunft gseh

I ha so viu Frage da für di

O wenn d Tannewipfle Liecht empfö

Gar nid e so cheibe wit vo mir

Hie ischs immer dunkler worde

We öppis nid gad hie isch gsehnis nid

Und du du chasch doch Zuekunft gseh

Hie mini Verzwiiflig brucht di Rat

Wie lutet mini Frag?

I wett lieber öpper angers si

Öpper angers hätt hie vilech iz no Freud

Und lieber wetti angers si

Vilech öpper, wo nid so schnäu bereut

Und i wett lieber öpper angers si

Aus a mir schiint düster u so chaut

Da isch nüt meh wo mer gfaut

Der Mässerspitz im Ougelid

Riss mi öpper us däm chaute Bach

Da si zerfätzti Tier am Strasserand

Schlaflos di Biuder Nacht für Nacht

Du i dere Burg wo uf em Feusband trohnt

Vor Aabesunne wunderschön bestreut

Wunderschön und unerreichbar

Ha äue wieder irgendöppis träumt

He du chasch doch id Zuekunft gseh

Me seit du heigsch scho Chriege prophezeit

Lug i gseh ke Zuekunft meh

I bruuche dringend irgendöpper wo mers zeigt

O du chasch doch id Zuekunft gseh

Los mini Verzwiiflig suecht di Rat

Wüu ohni Glück erratis nid

Auso säg mir wie lutet mini Frag?

Wie mini Frag i d Zuekunft geit

I ha mer aus scho überleit

Wie lutet d Frag und wie si geit

Und was du mir zu au däm seisch

Und mini Frag i d Zuekunft geit

I ha mer aus scho überleit

Wie lutet d Frag und wie si geit

Und was du mir zu au däm seisch

Und mini Frag i d Zuekunft geit

I ha mer aus scho überleit

Wie lutet d Frag und wie si geit

Und was du mir zu au däm seisch