Lyrics
ఏమో ఏమో ఏమో
మెరుపుతీగ ఎదురై నవ్విందేమో
ఏమో ఏమో ఏమో
వెలుగు వాగు నాలో పొంగిందేమో
ఉందో లేదో ఏమో
కాలి కింది నేలే కరిగిందేమో
మాయో మహిమో ఏమో
నేల కాస్త నింగై మెరిసిందేమో
ఇన్నాళ్ళుగా ఇలాంటి వింత కంట చూడలేదే
ఇలాంటిదేదొ ఉన్నదంటే విన్న మాట కాదే
రాదే రాదే రాదే
నెమలి కన్ను కలలో రూపం నీదే
రాదే రాదే రాదే
ఎడమ వైపు ఎదలో దీపం నీదే
లేదే లేనే లేదే
ఇంత గొప్ప అందం ఇలలో లేదే
ఉండే ఉంటే ముందే
చూసినట్టు ఎవరూ అననే లేదే
పోల్చేదెలా ఇలా అని నీలాగ ఉంది నువ్వే
నమ్మేదెలా నిజం అని సమ్మోహ పరచినావే
లాలీ లాలీ అంటూ
జోల పాట పాడే పవనం నువ్వే
లేలే లేలే అంటూ మేలుకొలుపు పాడే కిరణం నువ్వే
నాలో భావం నువ్వే
రూపు కట్టి ఇలా ఎదురైయ్యావే
నాలో జీవం నువ్వే
ఆశ పెట్టి ననిలా కవ్విస్తావే
లోలోన దాచుకున్న నా అందాల ఊహ నువ్వే
నా చెంత చేరి ఇంతలా దోబూచులాడినావే
Writer(s): Ramajogayya Sastry, Sunil Kashyap
Lyrics powered by www.musixmatch.com