Es paar Tusig Friends elei uf Instagram.

LinkedIn, Facebook, und was no chunt, mä finds normal.

Und Nummere vo Hunderte im Handy drin,

mä wundered sich, wer mä findt,

wännd d Lischte duregahsch.

Frögsch di, wer isch das?

Vill Näme, wo sich ähnlich sind.

Bisch mängisch überrascht, wer dini Stories und din Status überwacht. Niemerd meh isch kontaktlos ussert Credit Cards.

Fascht niemerd cha meh tränne zwüsched Business und Privat.

S nimmt alles Dimensione a und Drohne filmed jedi Strass.

Jede Schritt uf Kameras.

Bilder AI-generiert, drum frögsch di mängisch; isches wahr?

Mir sind wie Blindi uf dä Gass.

Ja, wänn dä Auge nüme traue chasch, uf was isch dänn Verlass?

Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch. Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch.

Mir sind connected mit dä Welt,

doch disconnected vo eus selber.

Alli blendet, händs verlernt,

s Wüsse vode wahre Wert.

Es gaht uf Social Sites um Likes und ironischerwis um Herz.

Wer sind Friends, wer sind Fans? Wer meints ernscht?

Jetzt kein Scherz: Wem lütisch a, wänn dr würki öppis fehlt?

Ich mein kei kei Ärzt. I dene Ziite, wo mr eus vo eus entferned.

Wo mr nöd mal einig sind, ob mä d Sprach jetzt sötti gendere.

Wo mr nöd mal einig sind, obs kei Schibe isch, die Erde.

Wo mr nöd mal einig sind, obs Corona würkli gäh hät.

Jetzt werded wahri Fründe spährlich.

Ich chas abzelle ade einte Hand.

Nüt hebt sie zrugg: kei Ziitzone und au kein Breitegrad.

Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch. Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch.

Ich red nöd vo dä Serie mit dä Jennifer Aniston.

Ä jahrelangi Fründschaft zha, schaffed nur die wenigschte.

Ich red vo BFF, best friends forever, vergiss dä Hashtag und ztägge.

Isch dä Fall nöd klar, dänn klär ich en.

S Läbe sind kei Social Media Stories oder Erzählige.

S Läbe isch s Läbe, dini Gschicht, du, din Weg und dini wenige,

gnau gnah nur die uf die würkli chasch zelle.

Au wänns Glück dich verlaht, und Erfolg nalaht, bhalteds Stellige.

Dä Song isch für all Fründschafte, wo hebed.

Wo sich jedem Sturm stelled, emotionale Erdbebe.

Dä Song isch für all, wo meh gäbed als nämed.

Dä Song isch für dich: best friend forever.

Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch. Es git nur wenigi, dene würkli traue chasch.

Es git nur wenigi, wo nöd musch glaube, dass irgendwie no usgnützt wirsch.