album cover
album cover
Heiss was released on September 11, 2026 by STB as a part of the album HEISS
AlbumHEISS
ReleasedSeptember 11, 2026
LabelSTB
LanguageGerman
BPM84
Melodicness
Acousticness
Valence
Danceability
Energy

Music Video

Music Video

Lyrics

Es isch heiss, immer so heiss, jetz eifach nöd bewege
Es isch heiss, cha vielicht öpper emol öppis mache degege
I cha leider grad nöd, i mues do schwitze
I bi ganz nass, i chläb am Stuel, i bliib do sitze
Irgend öpper macht denn sicher öppis irgendwenn
Aber i cha grad nöd will mis Hirn schmilzt jetz denn
Und au dis und dis und dis - graui Sosse
Üsi Hirn flüüssed zäme zumene einzige grosse
Superhirn, aber es tenkt trotzdem nöd viel
Es tenkt nume dass es grad gar nüt will
Will es isch heiss, heiss, nöd bewege
Heiss, vielicht emol Protest iilege
Am beschte zäme isch me stärcher als elei
Da isch de Ufstand vo de Hirni us Brei
Oder da chönnt er sii, Geduld Geduld
Mir chönd grad no nöd, aber mir sind nöd tschuld
Ufeme Stüeli a de Chüeli, da wär jetz schön
Es windet e bitz, aber es isch en heisse Föhn
Er bringt Luft vo irgendwo wo's no viel heisser isch
Döt stönd glüeigi Stüel umene füürige Tisch
Vielicht isch es d Sune, vielicht isch es d Höll
Uh, tenk nöd so viel, red nöd so schnell
Bitte wenig säge und nume churzi Sätz
Sus verstömmer's doch nöd, und scho gar nöd jetz
Will jetz isch es heiss, heiss, nöd bewege
Heiss, cha vielicht öpper emol öppis mache degege
Mir hend grad kei Energie und au kei gueti Idee
Zwor üsers Superhirn isch so gross wie drü Bodesee
Oder wie eine wenigstens oder wie en Fluss
Mir wüssed ales, aber chömed trotzdem nöd drus
Sie hend Angscht vor üsere Vielfalt und sie verbüüted wieder Wörter
Sie wärded immer lüter und sie wärded immer herter
I ha gmeint da sig verbii, i ha gmeint mir siged meh
Mir sind doch meh, oder? Mir sind doch meh
Es isch heiss, heiss
Written by: Manuel Stahlberger, Marcel Gschwend

Loading...