album cover
album cover
Chindertisch was released on September 11, 2026 by STB as a part of the album HEISS
AlbumHEISS
ReleasedSeptember 11, 2026
LabelSTB
LanguageGerman
BPM100
Melodicness
Acousticness
Valence
Danceability
Energy

Music Video

Music Video

Lyrics

Mir sitzed bi ihre am Bode und mached Ufzgi
Ihri Mueter chunnt ständig ine wäge nüt
Ihren Vater isch wäg, er wird am Sunntig füfzgi
Er macht e Ässe und sie frogt: chunnsch mit mir mit?
Aber dä Alass wär nöd tenkt gsi für mit ihre
Im Nochhinein hetted mir grad wieder söle goh
Di neu Frau vom Vater stoht i de Türe
Und seit: Schatz, dini Tochter isch cho, wieso?
De Vater git sich bitzli Müeh zum fründlich lächle
S Huus hät viel z viel Zimmer, zwei ghöred am Hund
D Böde sind ali us so grosse wiisse Chachle
Und ggässe hend's tenk scho vor öppe zwo drü Stund
Es hät nur no Brot und e chli Härdöpfelsalot
Am grosse Tisch verzellt ein Witz und ali grööled
De Vater seit: öppis vom Grill, für da sind ihr leider z spot
Und dass mir doch an Chindertisch sitze söled
Sini neu Frau trinkt di ganz Bowle us em Chrueg
Denn gheit sie hinderschi über de Hund um
De Vater nimmt de Chrueg und seit: Schatz, jetz isch glaub gnueg
Sie luegt zu üs und seit: wa glotzed ihr so tumm?
De Vater seit: chumm sitz doch wieder a din Platz
Er hälft ihre uf d Bei, eis, zwei, drü
Sie seit: i bruuch glaub dringend e chli Wasser, Schatz
Und denn goht sie uf de Chachle i d Chnüü
Und ales wo sie ggässe hät vorhär chunnt wieder use
Aha, Härdöpfelsalot hät sie au gha
Nume de Hund schiint all da überhaupt nöd z gruuse
Und sie lacht: i bi di bös Stiefmueter, hahaha
Aber niemer lachet mit, öpper bringt en Lumpe
Sie butzt sich ab während di einte langsam gönd
De Vater zieht de Hund e chli ewäg vom Gunte
Und öpper seit: jetzt sind ihr sicher froh dass ihr kei Teppich hend
Jo, im Nochhinein hetted mir gar nöd söle cho
Mir sind zwor nur vom sechsi döt gsi bis am halbi achti
S Gschenk für de Vater hemmer irgendwo denn ligge loh
E Kilo Hundeläckerli sälber gmachti
Dä wo Witz verzellt hät, schlooft under em Tisch
De Hund schläckt en Räschte Bowle us em Chrueg
Di neu Frau weiss grad niemer wo sie isch
Und de Vater seit zum Hund: Schatz, jetz isch glaub gnueg
Written by: Manuel Stahlberger, Marcel Gschwend

Loading...