Alikati, Timi

नडराई सपना देख्दै छौ होला

तिम्रै सामु आएर यति सोध्न भने सकिन

तिम्रो संसार शीतल छ होला

झरीमा कहिले म सम्झन्छु तिम्रै समुद्रबारे हाम्रो आकाशमुनि

रमाउन सिक्यौ होला तिमीले गहिराइमा

तिमीले भनेजस्तै, गहिरो ठाउँमा, हो, डुब्न सजिलो हुन्छ

गहिराइसँग तिमीलाई डर लाग्छ भन्दैनौ

"यहीँ त भेटिन्छन् सबैभन्दा अमूल्य अनुभूतिहरू" भन्दै म बोलाउँछु

तिमी पछ्याउँदै पौडन नआई पुग्यौ यही गहिराइमा

तिमीले भनेजस्तै, नजाने गाउँको किन ठेगाना सोध्नु?

तिमीले भनेजस्तै, नहुने कुराको किन सपना देखी बस्नु?

"सपनामै त भेटिन्छन् आफ्नै कति सम्भावनाहरू" भन्दै म देखाउँछु

तिमीलाई के-के जाति अनगिन्ती सपनाहरू

मेरो बाटो अन्तै रहेछ

तिमीसँग यो गहिराइमा म धेरै बस्न पनि सकिन

अन्त्य खै कहाँ छ

थाहै नपाई म पौडन्छु अर्कै समुद्रतर्फ मेरो समुद्र छाडी

तिमीलाई छोड्छु म यही गहिराइमा

अलिकति तिमी मसँगै रहनेछौ एकदम अन्त्यसम्म पनि

अलिकति तिमी मसँगै बहनेछौ एकदम अन्त्यसम्म पनि

नबोलेका सबै शब्द पुरिनेछन् तिमीले-मैले केही नबोली

अलिकति तिमी मसँगै रहनेछौ एकदम अन्त्यसम्म पनि

हामीलाई थाहा भएजस्तो संसार सकिनेछ

तर पनि म भेट्नेछु तिमीलाई त्यही झरीमा

छाता भुलेका हामी, तिमी दौडन्छौ, म हिँडिरहन्छु

अलिकति तिमी मसँगै बहनेछौ एकदम अन्त्यसम्म पनि

नबोलेका सबै शब्द पुरिनेछन् तिमीले-मैले केही नबोली

अलिकति तिमी मसँगै रहनेछौ एकदम अन्त्यसम्म पनि