Ref. Baze:

üs geits doch aune gliich,

jede dräit im Kreis, jede schiebt si Fium

geng no high vo däm starche Züg

wit u breit kes Ändi in Sicht

Mir mache witer so guet wis geit

S’cha cho was wott, mir si ume

schlafsch i dire Blase i

u morn isch si villech verschwunde

Greis:

Facklen aues ab wüu mer spass wei ha

D’wäut gseh, irgendwenn us dere Stadt? nei danke

Hei verseit, wo si mi wider uf d’Strass hei gla

Was da fack, I läb inere Blazay-Bla

Nüechternheit isch di schlimmsti Droge

fahrt huere i, u me chunt fasch nümm drvo los

Aso Kids löt d'Finger drvo, jawou

u nämet nie Ritalin ohni Aukohou

Es hänkt i jedem Laden a den Infowänd

Mir biete d’Chance zu däm wo jedes Ching wot wärde

Auso packet dr Sack ohni Zyt zverschwände

U mäudet nech a für üses Röibercamp

Tiersch:

was si ziu was isch dr Sinn vom Läbä

probiere viu us bi no wit äwäg

bi oft im Fium funktioniere numeno

ha Jobs hinger mir da bisch nume es Nummero

di Zyte si vrbi i bügle nüme wo ke Sinn ergit

hei Giu äs git überau Hindernis

u ds chlinschte cha zum grösste wärde wenn di Birre figgt

ds Glirr wo isch dr Reset-Button

Misère ja us Krise lere mann

fiir dr moment dr räscht irrelevant

jede läbt i sirä Wäut i sire eigete Blase

wo irgendeinisch platzt när gits ä nöi Chance

Ref.

Krust:

schiins dräit d Wäut immer schneuer ufder Bahn

ha aube biz z Gfüeu dassi ds Tempo nid mitma

sta ar Hautsteu warte grad ufs Füfi-Tram

ha uf mim Funktelefon itze es Programm si nennes app

zappe ume sueche MTV-Raps

sta verwirrt vorem Beck Plattelade isch wäg

füelemi innerlech Sibzgi

schicke mini Nichte a Kiosk für Zigis

später es Stiik ufem Spitz bim kapput Naturrase

fahre de e Füfzger dür di lääri Quartierstrasse

Wuche, Tage, flitze wi a mir verbi

i gloub i läb inere Blase

Diens:

i gloub i läb inere Blase gseh aus verbizieh

wi di Schippis im AMG dür mini Strasse

me seit sig nur e Phase

genau wo iz ahet sit mitti letscht Jahr

scho sit Tage nümm pennet

gseh us wi di Zombies ir Schlange vom Denner

chunnt scho schiins sige mer für ewig jung

warte ufe Untergang oder s Millennium

3001 Chlyklass si back

shit d Jungs hei scho wider nöie Preamp

Clips uf Viva Swizz oder MTV

uf CK ch Klinguton uf z Handy zieh

Ref.