Ref. Diens:

i ha scho weiss Gott mänge Ort gseh

di haubi Wäut vo unde nach obe

u i bi viu umecho

doch wo immer i o bi s isch niene

niene wi im Schiud

i läb u lide i mim Schiud

Fantu:

Bi mau am 5i erwachet mit 17i

amene Sunntig i mim Eutereschiud

Ma nümme läse, sta uf gäg di 9e

ohni Plan womi der Tag häre bringt

Wirde niemer aträffe duss, aber ga glich

obwou i weiss, dasses längwilig wird

Stüpfe ane lääri Fläsche Trojka

wo uf mim Wäg ufem Trottoir da ligt

När bini gloffe bis nach Bethlehem

es Carazza ga choufe i der Shell-Tanksteu

E Zigi groucht bire Malerei im Hinterhof

womi niemmer gseht, när bini wider hei i mis Schiud

Krust:

Mis Schiud isch nid wit zum ÖV u Konsum aber

i lob mer di blaui Zone vorem Zuun

ha ke Stueu wo viu wärt wär fasch nüt isch us Houz

verstecke Wärtsache ungerem Bett mis Grosi isch stouz

steue Büecher us doch Bsuech luegt nie druf

u weni luut schnuuf ir Nacht muesi ufs Sofa ga pfooze

am Morge stani früeh uf wi Ferie für mi

i mim Schiud hets ke bruchbar Garte nidmau e Lift

mis Ching lat Steine ine Gully la keie i säge nei

mis Ching lat Steine ine Gully la keie

schreie nid so viu ha nid der Jähzorn vo mim Papa

aber schutte mängisch öppis ume as wär i Dybala

Ref.

Serej:

Hie bini deheim i läbe hinge use

mi Stadt da hinge unge ligt mr ds Füesse Winter oder Summer

chume immer widr ume wenni furt bi

mis Quartier mis Huus mi Garte isch mis Schutzschiud

wi im Fium Billy the Kid deheim da bini dr King

schribt grad widr wi vo elei im Schiud da gits ke Schtouperschtei

frei vo aune Sorge Feriämodus cha mr aues bsorge

Trainerhose Scheiche dobe Schauplatte lose

Poul Prügu:

egau woni bi, ig bi unger Lüt allei

ig bi i mim Fium, füeu mi nur gschützt Daheim

i mim Schiud lige paar Socke ume

straut Wärmi us, Atomschutzbunker

unger üs, es chunt vor dasi pfiffe

aues easy, när hani z'risse

när dräii e Rundi, ig dräimi im Kreis

wi gseit, nachemne Wili gani hei

Tiersch:

I mim Schiud bi i dr Chef dr Sheriff ender weniger Stress ender Trainerhose Netflix

i mim Schiud geit d Sunne niä unger wi im

British-Empire muess aube glich use

wi Kids si on fire i mim Schiud

beobachte vom Baukon us wi ds Läbä verbi zieht

Vorhäng wärdä zoge Lichter glösche äs wird stiu

gibe de Blume Wasser häbe sorg zu mim Schiud

(wöu mis Schiud isch King, isch King, isch King

wöu mis Schiud isch King, isch King, isch King)

Baze:

I wächslä öppe au 3 bis 4 Jahr mis Schiud

Gibe d’Heufti vo dä Sache wäg u gliich ischs immer no zviu

läbe 4 bis 5 monet us Bananechischte

schlamr duurend d’Scheiche bluetig gani ir Nacht ga pisse

da hange bluti Bire vor Tili, Täuer si us Carton

blaui Plastigseck süche vorsech härä ufem Baukon

Doch isches mau mis Schiud, ischs vradmmtnomau mis Schiud,

Niemr störtmi i mim Schiud, süsch töti i mim Schiud

isch mis Schiud

(wöu mis Schiud isch King, isch King, isch King

wöu mis Schiud isch King, isch King, isch King)

Greis:

I mim Schiud, hets eich nume Spiuzüg drinn

La das Liechtschwärt lasii, das isch nid für Ching

So viu Raptiischis und Accessoires

Dassech o Cops bir Razzia nid i Schaft hei gwagt

Auti untreiti Wear, aues ach so rar

Malmaison u Cazal us den Achzgerjahr

I mim gheime Schiud hani aus womer gfaut

Haub mis Gamer-Zimmer haub mis Ladelokau

Ref.