制作
出演艺人
Ahmed Mekky
表演者
作曲和作词
Ahmed Mekky
作曲
制作和工程
Ahmed Mekky
制作人
歌词
ما تحاولش تبقى أي حد تاني غير نفسك (ياه)
دور بنفسك جوة نفسك
ما تكسلش وقوم قلب ودور هتلاقي ميزتك
صدقني هأ هأ هتلاقي ميزتك
دور بنفسك جوة نفسك
ما تحاولش تبقى حد تاني غير نفسك
خليك واثق في نفسك (ياو)
قوم دور بنفسك جوة نفسك
هتلاقي حاجة ما حدش فيها ينافسك
ما تحاولش تبقى أي حد تاني غير نفسك
دور بنفسك جوة نفسك
ما تكسلش وقوم قلب ودور هتلاقي ميزتك
ميزتك في صوتك أو في رسمك
ما تستبعدش تبقى ميزتك حركة بيعملها جسمك
أو فكرة فانتاستيك في مخك
ممكن تكون كمان مميز في الطب أو الحساب
أو ميزتك نفسك في طبخك
ممكن ميزاتك تطلع في لوحة أو كتاب
ممكن تكون ميزتك ليقتك
ميزتك إنك قلب ميت تقدر تضرب كل الناس
(Body Guard)
أو تكون ميزتك سياستك
ميزتك إنك رومانسي ومأفور في الإحساس
أو تكون ميزتك فراستك
ممكن ميزتك تكون قلب أبيض أو حنون
ممكن تكون ميزتك حماشتك
في ناس تعرف تفصل لبس الناس بكل إحساس
مهما كانت خامة قماشتك
وناس بضربة فاس تحول تربة قلقاس (أو أناناس)
بفضل ربي مش بفضلك
ولو في يوم لبست قضية في ناس ميزتها هي (هي إيه؟)
ميزتها إنها تجيب براءتك
بس ركز في اللي جاي (ركز)
ما حدش عجبه حاله وحالة غيره اللي بتحلاله دايمًا
شرقي بيغرب وأيسر نفسه يبقى أيمن
تخين بيخسس والتاني رفيع نفسه يتخن
أسمر بيفتح، أبيض نفسه يبقى بلاك فحماً
خلفله بت بيزعل نفسه يخلف واد أيوان
أيوان، أيوان
إنسان ما بترضى بحالك، دايمًا عاجبك حال الغير
مهما تكون حالتك دايمًا باصص للتغير
صدقني لو بصيت جواك هتلاقي ياما كتير
قدرات، مميزات، إن كنت غني أو فقير
ما تقللش من نفسك، ده إنت بنفسك طاقة خير
هتحقق اللي في نفسك واللي يمسك خليه يطير
إرضا يا إبن آدم باللي إتقسم عليك
ولو إني عرفك مش هترضى غير بتراب في عينيك
ربك ميز كل واحد منه بحاجة
فالناس تفضل لبعض دايمًا محتاجة
دور وإلقى ميزتك، حاول حافظ عليها
تطورها إتميز بيها حياتك هتلاقيها
رايقه وماشية صح طول ما إنت راضي بيها
إرضا بحياتك إنت وإقبلها باللي فيها
ده الرضا نعمة كبيرة إحمد ربك عليها
وخدها مني كلمة مافي حاجة بتساويها (ياه)
حد يترجملي بيقول إيه الواد ده
أنا أقولك، بيقول
ما تحاولش تبقى حد تاني (تاني)
غير نفسك، خليك واثق في نفسك (واه ولا)
قوم دور بنفسك جوة نفسك
هتلاقي حاجة ما حدش فيها هينفسك
سي وه سي وه
واه واه يا بوي
لو مالكش عازة ماكنتش إتخلقت
ولا إتحسبت من الناس ولا إترزقت
Written by: A, Ahmed Mekky
