Amma Mazhakkaarinu

അമ്മ മഴക്കാറിനു കൺ നിറഞ്ഞു

ആ കണ്ണീരിൽ ഞാൻ നനഞ്ഞൂ

കന്നിവെയിൽ പാടത്തു കനലെരിഞ്ഞു

ആ മൺകൂടിൽ ഞാൻ പിടഞ്ഞൂ

മണൽ മായ്ക്കുമീ കാൽപ്പാടുകൾ

തേടി നടന്നൊരൂ ജപസന്ധ്യേ

അമ്മ മഴക്കാറിനു കൺ നിറഞ്ഞു

ആ കണ്ണീരിൽ ഞാൻ നനഞ്ഞൂ

പാർവണങ്ങൾ പടിവാതിൽ ചാരുമൊരു

മനസ്സിൻ നടവഴിയിൽ

രാത്രി നേരമൊരു യാത്ര പോയ

നിഴലെവിടേ വിളി കേൾക്കാൻ

അമ്മേ സ്വയമെരിയാനൊരു

മന്ത്രദീക്ഷ തരുമോ?

അമ്മ മഴക്കാറിനു കൺ നിറഞ്ഞു

ആ കണ്ണീരിൽ ഞാൻ നനഞ്ഞൂ

നീ പകർന്നു നറുപാൽ തുളുമ്പുമൊരു

മൊഴിതൻ ചെറു ചിമിഴിൽ

പാതി പാടുമൊരു പാട്ടു പോലെ

അതിലലിയാൻ കൊതിയല്ലേ

അമ്മേ ഇനിയുണരാനൊരു

സ്നേഹഗാഥ തരുമോ?

അമ്മ മഴക്കാറിനു കൺ നിറഞ്ഞു

ആ കണ്ണീരിൽ ഞാൻ നനഞ്ഞൂ

കന്നിവെയിൽ പാടത്തു കനലെരിഞ്ഞു

ആ മൺകൂടിൽ ഞാൻ പിടഞ്ഞൂ

മണൽ മായ്ക്കുമീ കാൽപ്പാടുകൾ

തേടി നടന്നൊരൂ ജപസന്ധ്യേ

അമ്മ മഴക്കാറിനു കൺ നിറഞ്ഞു

ആ കണ്ണീരിൽ ഞാൻ നനഞ്ഞൂ

ആ കണ്ണീരിൽ ഞാൻ നനഞ്ഞൂ