Sika ti innak ay-ayaten
Uray aglabas adu nga tawen
Uray pay tumeng ton kumapuyen
Sika laeng innak patpatgen
Ket daytoy nga nagkinarian ta
Awan to pulos makapagsina
Anya man ti pakapadasan ta
Eng-enggana't panagkuykuyog ta
Ni ayat nga napudno
Itden nat talna tengnga ti bagyo
Di agbaliw uray pay katno
Ayat inpaay ti Dios Apo
Daytoy garud innak makuna
Kadata'y a pada-pada
Dayawenta'y Dios nainlangitan
Pudno nga ayat intay magun-odan
