In het Noorder Dierenpark
Kwam haost elke dag 'n man
Bij de olifanten kieken
Met wat pinda's in de hand
De verzörgers zeden wel
"Wat 'n rare man is dat
Hij lek wel verliefd op dat iene grote beest
Zoas hij daor te loeren zat"
Wat kon hum dat schelen
Het heul 'm van de straot
Hij heul van zien olifant
En deud gien vliege kwaod
Dizze aole Emmenaar
Preut gien woord met de mensen
Allennig met die grote olifant
Zölfs niet met 't echtpaar Rensen
Wat kon hum dat schelen
Het heul 'm van de straot
Hij heul van zien olifant
En deud gien vliege kwaod
Mar de olifant gung dood
En de man is nooit meer zien
Iemand zee: "Hij zit in Afrika
Of in de hemel bij zien olifant misschien"
Wat kon hum dat schelen
Het heul 'm van de straot
Hij heul van zien olifant
En deud gien vliege kwaod
Hij heul van zien olifant
En deud gien vliege kwaod
