Rukayya

Sannu sarauniya Rukayya, wanka gun ki za su koya

Gimbiya 'yar dagwas Rukayya, don Allah gabansu juya

Kin zama garkuwa Rukayya, ki yi magana ki tara gayya

Mai halin kwarai Rukayya, ke ce mai dubun masoya

Tauraronki na dagawa, mai haske kamar Surayya

Mene ne gimbiya Rukayya, wa ke damun Rukayya

Mai hakuri ina Rukayya, 'yar asali ina Rukayya

Kyakkyawa gambiya Rukayya, wanka sai wajen Rukayya

Akwai tsafta wajen Rukayya

Ina buga tambura Rukayya, mata na ta tambaya

Giwa za a bata gulma, lallai babu magiya

Ai in ka ji wance wance ce, domin tai gwagwarmaya

A duba Rukayya gambiya, tun yarinta da tarbiyya

'Yar manya 'yar sarakuna, kune ke haska duniya

Dubu ta sha gaban dari, da gani ai babu tambaya

Kura kuma ba ta cin kashin guiwa sai dai ta gwagwaya

Ga dan kolo da malami, sai an raya tsangaya

Yara kun ga Rukayya jaruma, ni dai na ba da inkiya

Sannu Rukayya sannu sannu, kowa ke ya wa maraba

Sai nasara da dadawa, sam ba ki san bakin ciki ba

Allah ne yake tsare ki, ba boka da dan Adam ba

Yanzu yabo muke a gun ki, ba kago abin muke ba

Mu yi jita mu sa sarewa, ba zai canzan salon kidan ba

'Yan yara na ta harrakawa, manya ma ba a hada ba

Mun tuna tushiya ta dauri, ba zan ce kara ba ce ba

Linzami ya girmi kaza, ko akuya ba ta nada ba

Sama dai ta darar ma yara, sai hange ba sa taba ba

Yanzu Rukayya ce a fili, tauraronta bai dishe ba

Ga kainuwa dashen Allah, yanzu Rukayya tafi karfinsu

Mai gado na zinare, ke ce za ki gaji Bilkisu

Ki yi ado na alkyabba mata na kiranki dawisu

Wacce duk ta zage ki lallai zata dinga ni 'ya su

Rukayya ai sarauta ce mata sun fada da bakinsu

Masu so su je bude ido nan za su kare kallonsu

Masu so a ba su a basu nan za su mika hannunsu

Sannu dai Rukayya, Rukayyatu gimbiya ta mata

Sannu dai Rukayya, Rukayya jaruma ta matan duniya