Cherathe

നീലരാവായ് മായുന്നിതേതോ നിഴൽ സൂര്യനാളങ്ങളിന്നെങ്ങുപോയ്

മേലെ മൂകാംബരത്തിന്റെ

ഓരങ്ങളിൽ ശ്യാമമേഘങ്ങൾ

ഇന്നെങ്ങുപോയ്

പെയ്യാതെയെങ്ങോ നീരാവിയായ്

സായന്ത നൗകകൾ

സാഗരമൗനത്തിൻ

ആഴം തേടുകയായ്

ചേരാതെ നാമേതോ

രാഗം പോൽ താളം പോൽ

ചേരാതെ നാമേതോ

സന്ധ്യ പോൽ പുലരി പോൽ

വേനലാളുന്ന ജീവന്റെ

ദാഹങ്ങളിൽ വന്ന

പൂമാരിയിന്നെങ്ങു പോയ്

വീണ പൂമൂടി ഏകാന്ത തീരങ്ങളിൽ

കണ്ട സ്വപ്നങ്ങളിന്നെങ്ങു പോയ്

ഓർക്കാതെ ഏതോ മായാകരങ്ങൾ

ആയിരം വർണ്ണങ്ങൾ ചാലിച്ചതെല്ലാം

മെല്ലെ മായുകയോ

ചേരാതെ നാമേതോ

രാഗം പോൽ താളം പോൽ

ചേരാതെ നാമേതോ

സന്ധ്യ പോൽ പുലരി പോൽ

ചേരാതെ നാമേതോ

രാഗം പോൽ താളം പോൽ

ചേരാതെ നാമേതോ

രാഗം പോൽ താളം പോൽ

ഓഹോ...

ഓരോ കിനാവും ഓരോ നിലാവും

പാതിയിൽ തീരുമീ

ജീവിതയാത്രയിൽ

നമ്മൾ പോവതെങ്ങോ

ചേരാതെ നാമേതോ

രാഗം പോൽ താളം പോൽ

ചേരാതെ നാമേതോ

സന്ധ്യ പോൽ പുലരി പോൽ

ഓഹോ.