Lyrics
Ek het paaie al verby geloop
Terwyl ek worstel met my tas
Draaie op 'n kaart gestap
Waar reguit paaie was
Ek het kraters deur my hart gekry
En leemtes in my lyf
Plooie oor my siel met leef se pen geskryf
Want ek soek jou waar jy dans met jou kitaar
En wonder hoeveel reën gaan val die somer
Ek soek jou waar jy dans met jou kitaar
Want ek dink dit is die rusplek vir 'n dromer
Ek bly soek na die plekke
Waar ek nog heen wil gaan
Maar opgeroeste bordjies
Wys vir die rigting aan
So tot ek daardie stofpad kry
Wat by jou voordeur stop
Los ek net 'n poskaart
Met my hart se woorde op
Want ek soek jou waar jy dans met jou kitaar
En wonder hoeveel reën gaan val die somer
Ek soek jou waar jy dans met jou kitaar
Want ek dink dit is die rusplek vir 'n dromer
Die lewe loop sy draaie
Bou mure om my hart
Moeg tot in die hoeke van my siel
Maar by die laaste kans se laaste draai
By Waaipoort verby
Skielik, soos Karoo se reën staan jy
En daar sien ek jou dans met jou kitaar
En jy wonder hoeveel reën gaan val die somer
Ek kry jou waar jy dans met jou kitaar
En ek weet dit is die rusplek vir 'n dromer
En daar sien ek jou dans met jou kitaar
En jy wonder hoeveel reën gaan val die somer
Ek kry jou waar jy dans met jou kitaar
En ek weet dit is die rusplek vir 'n dromer
Writer(s): Marica Barnard
Lyrics powered by www.musixmatch.com